التوثيق
الدمجWebhooks

التحقق من حالة الجلسة

سيب الـ webhooks تبلّغك لما الدفع يتغير، واقرا الجلسة بس لما تحتاجها.

الـ webhooks بتبلّغ السيرفر بتاعك أول ما الدفع يتم أو يفشل أو الجلسة تنتهي، فمش محتاج تسأل. اقرا الجلسة بـ GET /checkout/sessions/:id بس لما تحتاجها، زي لما العميل يوصل لصفحة الرجوع بتاعتك.

متعملش polling. قراية الجلسات على تايمر بتضيف آلاف الطلبات من غير أي جديد، وXPay بتتواصل مع التجار اللي التكامل بتاعهم بيعمل كده.

إمتى الجلسة تخلص

أول ما الجلسة توصل لحالة من دول، مش هتتغير تاني:

  • اتدفعت (complete + paid): نفّذ الطلب. بيوصلك checkout.session.completed، أو checkout.session.async_payment_succeeded لفوري.
  • الـ setup خلص (complete + no_payment_required): العميل حفظ بيانات الدفع بتاعته. مفيش حاجة اتخصمت. بيوصلك checkout.session.completed.
  • انتهت (expired): العميل مخلّصش في الوقت. بيوصلك checkout.session.expired.
  • فوري متدفعتش: الرقم المرجعي انتهى أو اترفض. بيوصلك checkout.session.async_payment_failed.

جلسة فوري بتفضل complete + unpaid طول ما العميل لسه عنده وقت يدفع. مفيش حاجة تشيّك عليها في الوقت ده: الـ webhook بتاعها هيقولك انتهت إزاي.

في صفحة الرجوع

العميل غالبًا بيوصل لصفحة الرجوع قبل ما الدفع يتأكد بلحظة. اقرا الجلسة مرة واحدة، من السيرفر بتاعك:

  • اتدفعت أو الـ setup خلص: اعرض صفحة النجاح.
  • انتهت: خلّي العميل يبدأ checkout جديد.
  • أي حاجة تانية: اعرض "بنأكد دفعتك". الـ webhook بتاعك هيحدّث الطلب.

اقرا الجلسات دايمًا من السيرفر بتاعك. الطلب محتاج الـ secret key بتاعك، وده مكانه عمره ما يكون المتصفح.

الخطوة الجاية

في الصفحة دي